Hmeichhiate venhim leh chawikan sawiho

Champhai District Implementing Com­mit­tee on Mission Shakti chu nimin khan addi­tional DC K Zoram­muana kaihhruaiin DC conference hall-ah an ṭhukhawm a, hmei­­­chhiate venhim kawnga hmalakna leh hmachhawpte an sawiho. Hmachhawp zing­ah hmeichhiate'n inhlawhna (part-time job) an zawn theihna mobile application siam a tel.

Ṭhutkhawmah hian Champhai District One Stop Centre leh District Hub for Empowerment of Women-te'n hmeichhia vanduaina tâwk an tuamhlâwm tawhte thlirho a ni a; hmeichhia vanduaina tâwkte'n ṭanpui an dil theihna mobile application ‘Chhantu’ tihlâr dan tur leh hmeichhiate'n inhlawhna (part-time job) an zawn theihna mobile application siam dan turte an sawiho a ni.

Mission Shakti hi sorkar laipuia Ministry of Women & Child Deve­­lopment scheme a ni a, hmeichhiate ven­­­himna leh an din­hmun chawi­kanna tur rua­hman­na hrang hrang a awm.