ICT Minister-in Mobile IT Lab. a vailiam

Information & Commu-nication Technology (ICT) minister Dr Vanlalthlana chuan nimin khan NIELIT, Aizawlah thingtlang leh hmun kilkhâwr zawka mite tana ruahman Mobile IT Laboratory a vailiam a; Zuangtui High School-a Mobile IT Lab hmanga buatsaih artificial intelligence (AI) zirhona a hawng bawk.

Dr Vanlalthlana chuan, khawvel ṭhang zelah information technology (IT) huang chhungah AI leh mihringte an inel nasa tawh tih sawiin, AI hman ṭanglai thiam a pawimawh thu a sawi a, "Zirlaite leh zirtirtute'n theihtawp chhuah u la, thil thar hmuchhuak turin hma la zel ang che u," a ti.

Mobile IT Lab hi NECB 2.0 Project (Capacity Building in IECT including training in Digital Skills Set and Current Industry Demanding Technologies for various sections of society in the NE Project) hnuaia mi a ni a, cheng nuai 27 man a ni. Computer system 16 a awm thei a, internet wifi, projector, portable dene­rator, air conditioner, CCTV, HD DVR, lighting leh thil dangtea thuam a ni bawk.

Mobile IT Lab hmang hian aware­ness programme hrang hrang - mobile applications for digital payment, e-governance service, IT application, cyber security & emerging techno­logy, basics of computer & office automation, artificial intel­ligence for education, web deve­lopment leh NSQF course hrang hrangte zirtir tum a ni.