Mizote hi in sa huai ber in ni mai thei a ni - NDMA

National Disaster Management Authority (NDMA), Delhi aṭanga technical expert lo kalte chuan nimin khan Disaster Management & Reha-bilitation (DMR) minister K Sapdanga chu a pisaah an kâwm a; Mizote chu sa huai an tih thu an sawi.

NDMA aṭanga mithiam lo kalte hi senior consultant Brig. (Rtd.) Ravuder Gurung, senior consultant Dipali Jindal leh project associate Antony Joh Moothedan te an ni a; July 29 aṭanga nimin thleng khan Cyclone Remal vanga Mizoramin chhiatna a tawh dan a hmunah an zir a, chumi hnuah DMR Minister an hmu a ni.

NDMA mithiamte chuan, Mizote chu tlang rama khawpui zingah in sa huai ber an nih mai theih thu DMR minister K Sapdanga an hrilh a, "Buil­ding Regulation ṭha neih a pawimawh. Tui luan­kawr (drainage system) mumal loh vang hian chhiat­na rapthlak zawk a la thleng palh thei," an ti.

Chhanchhuah hna thawh chungchangah Mizote'n YMA an nei chu Mizo­te vanneihna a nih thu sawiin NDMA mithiamte chuan, awmze nei lehzuala train­ing buatsaih ni se an ṭangkai lehzual tur thu DMR Minister an hrilh a ni.