Kuhva phurh leh kudam siam khap

Kolasib district magistrate Robert C Lalhmangaiha chuan thupek chhuahin, Kolasib district-ah dan kalha kuhva rah phurh leh kuhva rah dah khawlna kudam siam khap a nih thu a puang.

Kolasib District Magistrate chuan, Bharatiya Nagarik Surakha Sanhita, 2023 Section 163-in thuneihna a pek angin Kolasib district-ah dan loa kuhva rah phurhluh leh phurh chhuah khap a ni tih a puang a, "Kolasib district chhungah tu mahin ram pawn aṭanga lak luh kuhva (Burmese arecanut) dah khawlna kudam an siam tur a ni lo," a ti.

Kudam awm tawh sate pawh Kolasib SP-in a kalh tawh thu tarlangin Magistrate chuan, "Thu leh awm hma chuan khawih chêt awih a ni lo," a ti a; thupek bawhchhiate chu BNS 2023 Section 221 hmanga hrem theih an nih thu a tarlang bawk.