LMC-in police-ah Rs 1,00,000 pe

Lunglei Traffic & Transport Coordination Committee chu Lunglei Municipal Council (LMC) vice chairman K Lalrinawma hoin July 12, 2024 khan an ṭhukhawm a; parking fee khawn tur tender chhanna aṭanga hmuh Rs 2,30,000 aṭangin Lunglei khawpui traffic enkawl nan Traffic Police hnenah Rs 1,00,000 hlan a nih thu tarlan a ni.

K Lalrinawma chuan, Lungleiah lirthei tlan dan leh hùn danah mipui tana him leh zângkhai, khawpui hmel timawi tur zawnga ruahmanna a awm theih nan hmalak mek a nih thu a sawi a; LMC hmalakna leh ruahmannate ngaichâng a, ṭha taka min thláwp turin Lunglei mipui a ngen.

Ṭhutkhawmah hian, Lunglei District Transport Office-in kum kal taa Lungleia parking fee khawn tur tender an chhuah chhànna aṭanga sum lut Rs 2,30,000 chu LMC-ah an chhûng lut tawh a; LMC chuan Lunglei khawpui traffic enkawl nan Traffic Police hnenah Rs 1,00,000 hlan chhawng ve leh a ni.