Police-in meth leh heroin an man

Champhai leh Khawzawla police-te chuan July 12, 2024 khan Champhai lam aṭanga Aizawl lam pana tlan Bolero MZ-06 1517 aṭangin Methamphetamine mûm 1,070,600 an man a, lirthei neitu leh khalhtu Lalrintluanga, Champhai Vengsang nia insawi an man nghal.

Methamphetamine an man hi kg. 115.55-a rit niin, fûn (pack) 106 a ni a, tualchhunga hralhna ang chuan Rs 32,11,80,000 hûa chhût a ni. Meth man kaihhnawihah hian Khawzawl Police Station-ah NDPS Act Section 22(c)/25 tlawhchhanin thubuai ziah luh a ni.

July 12, 2024 vêk khan Zokhawthar PS-a police-te chuan Zokhawthar khelmual bulah heroin hawng 124 (gram 1,429) an man a, Rs 42,87,000 hû a ni. Heroin kawltu Lalduhawmi (27) d/o Lalduhthara (L), Dinthar Veng, Champhai nia inchhál leh lirthei Venue car MZ-01 AA-9326 an man bawk.