Gorkha-te'n Bhanu Jayanti lawm

Mizoram Gorkha Youth Association (Central) chuan July 13, Inrinni khan Vanapa Hall-ah Gorkha zinga thu leh hla puipa bera an ngaih Adikavi Bhanubhakta Acharya champha vawi 210-na, Bhanu Jayanti an lawm a; Kolasib, Vairengte leh Bualpuiahte MGYA branch-te'n an lawm bawk.

Vanapa Hall-a Bhanu Jayanti lawmnaah hian Hospital & Medical Education director hlui Dr KK Chhetri chu khuallian a ni a; Gorkha ṭhangtharte zingah mahni pianpui ṭawng thiam lo an awm chu veiawm a tih thu sawiin, nu leh pate chu an fate mahni hnam ṭawng zir thiamtir ngei tuirin a chah.

Bhanu Jayanti lawmnaah hian Gorkha hnam lâm chi hrang hrang entir a ni a, zirlai ti ṭhate chawimawina hun hman a ni. Bhanu Jayanti pualin Nepali Middle School, Khatlaah zirlaite tan essay inziahsiak leh lemziaka inelna buatsaih a ni bawk.

MGYA hi 1976 khan din niin, Mizorama Gorkha pawl lian ber a ni a, member 4,500 vel an awm mek. Aizawl khawpuiah MGYA branch 12 leh Aizawl pawnah sub-headquarter pakhat (Kolasib) leh branch panga an awm a ni.