IPRO leh MJA inkâwm

Lunglei district IPRO thar C Lalhruaitluanga chuan July 12, 2024 khan a pisaah MJA, Lunglei district member-te leh chanchin thar puangtute kâwmin thingpui a inpui. Mipui tana awmze nei leh ṭangkai zawka thawhho dan tur hrang hrang sawiho a ni.

C Lalhruaitluanga chuan, kawng tinrengah finchhuaha thurawn pe ṭhin tur leh IPRO office chu an office a ni tih hriaa mamawh an neihte lam hreh lo turin Lungleia thuthar thehdarhtute a sáwm a; mipui hnena ṭawng kauchheh leh thu ziah dan dik zirtir theitu an nihna hre chunga ṭan la zel turin a chah bawk.

Lunglei district-ah hian MJA member 20 awmin, chu'ng zinga 19 chu accredited journalist an ni a, MJA member-te enkawl chanchinbu chhuak 13 a awm mek. Inkawmhonaah hian Lunglei MJA president Laltlanthanga pawhin thu a sawi a ni.