Tui kaihhnawih department-te department khata dah tum?

Mizoram sorkar chuan tun hnai khan tui kaihhnawih department-te department pakhata chhùn fin dan tur ngaihtuahtu tur study group a din a; zir chian ngaite zir chiang a, thla thum ral hmaa report thehlut turin a ti.

Study group-ah hian GAD Secretary chu chairman a ni a, member secretary-ah GAD Deputy Secretary dah a ni. Member-te chu - DPAR, PHE, Irrigation & Water Resources, Land Resource, Soil & Water Conservation, Law & Judicial leh Finance department aṭangin secretary emaw, an aiawh (deputy secretary aia hniam lo)-te an ni.