Sorkar doctor, hmun danga thawk tel chunga NPA la list dil

Health & Family Welfare department-a Under Secretary chuan HFW Principal Director hnenah, Mizoram sorkara thawk nghet doctor zinga private practise (mimal damdawi-ina thawk leh clinic hawng) ti chunga Non Practice Allowance (NPA) late list thehlut turin a ngen.

HFW Under Secretary hian July 10, 2024 khan HFW Principal Director hnenah lehkha a thawn a, subject-ah 'Mizoram sorkar hnuaia doctor-te NPA pek chhunzawm tawh loh chungchang' tih ziah a ni a; "Chief Minister Office aṭanga thu kan hmuh angin, doctor zinga private practise ti lo tura inziak, NPA dawng, private practise la ti tho site list rawn thawn turin ka ngen a che," a ti a, a hmanhmawh thlak thu a tarlang bawk.

Sorkara a ngheta thawk doctor-te tan dan ang chuan private practise phal a ni lo a, chuvang chuan sorkarin NPA a pe ṭhin. NPA hi an basic pay aṭanga 20% vel a nia thu dawn a ni.