September 4, Zirtawpni-ah VC/LC 22 an inthlang dawn

State Election Commission (SEC) chuan August 27, 2020-a inthlang ve lo village council leh local council-te inthlan hun atan September 4, 2020 (Zirtawpni) a ruat a, nimin khan hriattirna a tichhuak. September 4-a inthlang tura tih zingah la inthlang lo ve tho VC pathum leh LC pasarih erawh chu an la tel lo.

SEC-in hrattirna a chhuah dan chuan, September 4, Zirtawpni zing dar 7 aṭanga tlai dar 5 thleng vote thlak hun hawn a ni dawn a, vote thlak zawhah vote tlate chu chhiar nghal tur a ni. Vote thlak ṭhat a ngai a nih chuan, September 5-ah thlak ṭhat a ni ang. Inthlanna tur local council electoral roll-a chuangte tan chuan inthlanni hi sorkar chawlha puan a ni.

Hetih lai hian, August 27-a inthlang lo tura tih ve tho VC/LC 10-te chu September 4-a inthlang tura tih zingah an la tel lo a; chungte chu - VC zingah Melriat, Kelsih leh Hualnghmun te, LC zingah Bawngkawn, Chaltlang Lily Veng, College Veng, Mission Veng, Nursery Veng, Ramhlun South leh Ṭhuampui-te a ni.