Zo hnahthlakte harsatna tawhah kan theih tawkin hma kan la dawn - Congress President

Mizoram Pradesh Congress Committee (MPCC) hruaitute leh Bawm Students' Association (BSA) hruaitute chu nimin khan MPCC President pisaah an inkâwm. MPCC president Lal Thanzara chuan, Zo hnahthlakte'n harsatna an tawhah an theih tawka hma an lak dawn thu a sawi.

Lal Thanzara chuan, Zo hnahthlakte'n harsatna an tawh mek chu an tawrhpui thu sawiin, "An tan hian kan theih tawkin hma kan la dawn. Mizoram sorkar pawhin kan unaute dinhmun hi enfiah a, an harsatna tawh mek hi sutkianpui turin kan beisei. Sorkar laipui dawr se la, BSF-te'n harsatna an siam mek hi titawp turin hma la rawh se," a ti.

MPCC thuchhuah tarklan danin, BSA hruaitute chuan Bangladesh-a Zo hnahthlak, sahimna zawnga Mizoram pantute chu Damdep-II ah BSF-in an lo dang a, an dinhmun a harsat avangin ṭanpui turin MPCC President an ngen a; Bâwm zirlaite'n harsatna an tawhte an hrilh bawk. BSA hnenah hian MPCC President chuan ṭanpuina pawisa a pe a ni.