Chawṭha ei dan zir chian a ni dawn

Zoram Medical College (ZMC) leh Indian Council of Medical Research-National Institute of Nutrition (ICMR-NIN) chuan July-December 2024 chhungin Aizawl, Lunglei, Siaha, Champhai, Kolasib leh Mamit district-ah mipuite'n chawṭha an ei dan an zir chiang dawn.

Zirchianna hi ICMR-NIN, Hyderabad-in 'Diet and Biomarker Survey in India' tih thupui hmanga India ram zirchianna a neih anga neih ve tur a ni. Zirchiannain a tum ber chu mipuite'n India rama nutritional (chawṭha) an ei dan dinhmun en chianna bakah, mipuite'n thisen tlâkchhamna (anemia) leh vitamin leh mineral tlakchhamna (micro-nutrient) tlanglawn an neih dan enfiah a ni.

Zirchianna hi naupang kum 5 hnuai lam, kum 5-9 inkar, tleirawl/rawlthar, puitling leh kum upa lamahte ṭhen a ni a; kawng hrang hranga mi thiam thlan bik 25 - medical officer, nutritionist/dietician, phlebotomist/laboratory techician, social worker leh antropologist-te'n an kalpui ang.