AMC leh LMC-a hotute hlawh zat tur tarlang

July 2, 2024-a Council of Minister ṭhukhawmin Aizawl Municipal Corporation leh Lunglei Municipal Council-a hotute hlawh tihpun rawtna a pawmah, hlawh punna zat tur UDPA department chuan a tarlang.

UDPA department tarlan danin, thla khatah AMC Mayor-in Rs 65,000 leh Deputy Mayor-in Rs 60,000 an hlawh dawn a; LMC Chairman-in Rs 62,000 leh Vice Chairman-in Rs 57,000 an hlawh dawn a ni.

Nimin July 3, 2024-a chhuak Vanglaini-ah AMC hotute leh LMC hotute hlawh tihpunna zatah tih dik loh a awm a; chhiartute hriatthiamna kan ngen e.