Sawhthing leh hmunphiah thar lei dan tur ngaihtuah

Mizoram State Policy Coordination Committee chu nimin khan CM)conference hall-ah an ṭhukhawm a; Chief minister Lalduhoma'n kaihruaiin, thlai thar lei tur pahnih - hmunphiah leh sawhthing lei khawmna hmun (collection centre) tur an tifel.

Ṭhutkhawmah hian thlai leina tur collection centre-te chu chak taka ûm zui ni se an ti a; thlai pali lei chungchangah data mumal tak vawn a ṭul avangin Data Entry Centre dahna tur an rêl nghal bawk.

Meeting-a tarlan danin, hmunphiah chu policy-in a lo sawi tawh angin collection centre-ah grade-A Rs 100 leh grade-B Rs 80-a lei tur a ni a; Saipum, Vairengte leh Bairabi-ah collection centre a awm ang. Hmuhphiah dah khawmna tur warehouse chu hmun hrang hrangah sak tum mek a ni.

Sawhthing chu collection centre-ah Rs 50 aia tlem loa lei tur a ni a, Bairabi leh Sairangah collection centre a awm ang. Sawhthing hi open market-a kalpui tur a ni a, open market-a leitu tur an awm loh palha invenna atan ruahmanna hi siam a ni.