Aizawl Dist. Court-ah thubuai 4,414 a awm

Aizawl District & Session Court-ah kumin February 1 thleng khan thubuai la chinfel loh (case pending) 4,414 a awm a, case pending zingah hian eiruk thubuai (Prevention of Corruption Act) 35 a tel.

January 1, 2016 khan Aizawl District & Session Court-ah hian thubuai 4,354 a awm a, thubuai 578 ngaihtuah niin, thubuai 518 chinfel a ni.

January thla tirah Prevention of Corruption Act hnuaiah thubuai 36 awmin, January chhung hian thubuai pakhat chinfel a ni. Hmeichhe pawngsual thubuai 34 a awm a, January thla chhungin thubuai pakhat chinfel hman a ni.