Ráltlân chungchang sawiho
Adventist Development and Relief Agency (ADRA) ngen angin Lawngtlai bawrhsap Cheemala Siva Gopal Reddy chuan nimin khan a pisaah Lawngtlai district-a Myanmar râltlante chhawmdawlna leh ṭanpuinaa hma latu department leh tlawmngai pawlte hmalak dan tur a sawipui.
Sawihonaah hian pawl hrang hrangte'n hma an lak dan an sawifiah a, Myanmar ráltlante'n harsatna an tawh hrang hrangte an tarlang. Harsatnate chinfel dan tur bakah, raltlante chhawmdawl leh ṭanpui zuinaa sorkar hoa hmalak zui dan tur leh thawhho dan turte an sawiho a ni.