Phalna nei loa ramsa khawi/vulhte sorkarah inhriattir tura tih an ni

Aizawl Wildlife Division deputy conservator of forest (DCF) Margaret Lalramchhani chuan thuchhuah siamin, phalna nei loa ramsa/nungcha vulh/khawi chu dan bawhchhiatna a nih thu a tarlang a; phalna nei loa nungcha vulh/khawite chu thla khat ral hmain DCF, Aizawl Wildlife Division-ah inhriattir vek turin a chah.

Aizawl DCF chuan, tunlaiin nungcha chi hrang hrang wild animal (exotic leh nature)-te phalna nei loa mahni duh dana in lama khawi/vulh an awm nual tih hriat a nih thu a tarlang a, "EFCC department chuan a ngai thutak hle a, hetianga nungcha lo khawi/vulh hi The Wildlife (Protection) Act,1972 Section 39 & 40 kalh tlat a nih avangin pawisa chawitir leh jail tàn theihna a ni," a ti.

Nungcha khawi/vulh chu ti tawh lo turin mi tin a chah a, "Phalna nei loa hetianga nungcha lo vulh/khawi ṭhin kan awm a nih chuan he thuchhuah a nih aṭanga thla khat ral hma ngeiin DCF, Aizawl Wildlife Division-ah in report vek tura hriattir kan ni," a ti a; hun tiam chhunga inhriat­tir lote man chhuah an nih chuan dan anga hrem an nih dawn thu a tarlang.

Aizawl DCF chuan, ramsa vulh/khawi hriate chu phone number 8974436843, 9612077436 leh 9862347339-ah hriattir turin a ngen a; ramngaw leh nung­chate nasa leh­zuala hum­halh­naah thawh­­­pui turin Mizo mipui leh NGO-te a sáwm a ni.