Nimin khan IPR director Lallianpuii pisaah IPR leh Mizoram Photographers’ Society (MPS) buatsaih Online Photography Competition lawmman sem a ni.

Lallianpuii chuan, Covid-19 hri léng vangin programme lian tham buatsaih theih ni lo mah se, Mizorama photography lama tui mite talent hmu chhuak a, pho chhuak a, ṭhantir zel tura hmalak an duh avangin inelna buatsaih a nih thu a sawi a, "Photography hi art ropui tak, thil hlui vawn ṭhatna atana hmanraw ṭha ber, culture vawnhim nana ṭangkai a ni," a ti.

Intihsiakna hi landscape, colour leh monochrome-a ṭhen niin, thlalak 91 a lut a, mi 35 an tel. A ti ṭhate hnena lawmman an pek bakah, consolation prize panga zel leh participation prize pek a ni.

Intihsiaknaa ti ṭha zualte

Landscape

1-naZarzoliana, Chhinga Veng

2-naHminga Hmar, Armed Veng

3-naLalsiamkima, Ramhlun North

Colour

1-naRinmawia Renthlei, Ramhlun North

2-naMS Dawngliana, Chanmari

3-naBenjamin Lalhruaitluanga, Bawngkawn

Monochrome

1-naC Rothangliana, Tuikual

2-naF Lalhmingmawia, Chanmari

3-naC Vanlalchhanhima, Pangzawl

Share this Post