Champhai District Level Wildlife Crime Control Sub-Unit chu nimin khan an chairman Rex Zarzoliana Vanchhawng, Champhai SP hoin a pisaah an ṭhukhawm a; nungcha humhalhna kawnga hmalak dan turte an sawiho.

Ṭhutkhawmnaa an tarlan danin, Police leh Forest department-te ṭangkawpin joint patrolling neih ṭhin a ni a, Wildlife Crime kaltlangin case pali ziah luh a ni. Mi pakhat chu thiam loh chantir a ni tawh a, mi dang pathumte chungthu ngaihtuah mek a ni thung. Wildlife Crime a thlen ṭuma thuneitute hriattir ṭhinte hnenah lawmman siam a ni.

Meeting chuan, silai license nei lo silai hmang leh, license nei pawh, a nihna tur anga hmang lote a theih chen chena dap chhuaka man zel ni se, a ti a; joint patrolling thla khatah vawi khat aia tlem lo neih ṭhin te, ramri paltlanga wildlife crime a awmin Customs-te nen inṭawiawm tawna hmalak ṭhinte a rel.

---

Share this Post