Social Welfare department (SWD) changtu minister Dr K Beichhua chuan nimin khan Seṭhawna ruihhlo ngaite enkawlna hmun, Jordan Centre chei ṭhat mek a tlawh a, hnathawh dan a enfiah.

Dr K Beichhua chuan, Jordan Centre chuan accreditation rules a neih tawh thu sawiin, "Ruihhlo ngaite centre-ah an luhin an hriselna endik hmasak vek a ni ang. Natna inkài chhàwn theih vei palh theih a ni a, health screening neiin, chumi zawhah dah luh an ni ang. Admit an nih hnuah an taksaa túr ṭha lo paih chhuak turin enkawl leh tur a ni. Chumi dawtah rehabilitation kalpui leh tur a ni a, a dawtah thiamthil nei turin zirtir tur a ni. Chumi atan chuan 2019-20 SEDP sum cheng vbc. 20 vel dah a ni," a ti.

SWD Minister sawi danin, Jordan Centre enkawlna atan Ministry of Social Justice & Empowerment dàwr a ni a, project cheng vbc. 15 hû siamin, cheng vbc. 7.7 dawn a ni tawh. Thawktu mi 161 lâkna turin advertisement chhuah a ni tawh a; thawktute chu sorkar hnathawk nghet an ni dawn lo a, an hlawh pawh sorkar laipui tum tur a ni.

Share this Post