Mizoram sorkarin Jordan Centre mi dang kuta hlan chhâwn a remti; Stamp paper lei a ngai tawh dawn lo
Council of Minister chu nimin khan chief minister Lalduhoma hoin CMO Conference Hall-ah an ṭhukhawm a; an pawm zingah - Seṭhâwna Jordan Centre chu mi dang enkawltir leh stamp paper lei a ngaih tawh lohna tur a tel.
Council of Minister ṭhukhawm chuan, Social Welfare department aṭanga agenda lut, 'A Proposal for ‘in principle approval’ for Outsourcing of Jordan Center (De-Addiction & Rehabilitation Center), Seṭhawn' tih chu an sawiho hnuah an pawm a ni.
Seṭhawna ruihhlo ngaite enkawlna hmun Jordan Centre hi sorkarin a enkawl mek a, Council of Minister thutlukna angin mi dang enkawl chhawntir tum a ni a, tihfel ngaite tihfel a nih hnuah mi dang kutah hlan a ni ang.
Land Revenue & Settlement department aṭanga lut, 'The Draft Mizoram Stamp (Payment of Duty by Means of e Stamping) Rules, 2024' pawh Council of Minister chuan an pawm.
Council of Minister-in an pawm tâk hi stamp paper lei ngai tawh lo a, online hmanga engkim kalpui tawhna tur a ni. Online hmangin engkim tihfel a nih hnuah stamp duty chawi turte'n an chawi ang a, stamp paper leina atan insenso a ngai tawh dawn lo a ni.
Council of Minister meeting-ah hian agenda 16 a awm a, chu'ng zingah chuan ration card vár tana buhfai man tihsanna tura ruahmanna leh sikul eng emaw zat dinhmun sang zawka dahna tura ruahmannate a tel.
Sorkar thupuangtu IPR department thuchhuah zingah Cabinet agenda pawm zinga pakua chiah tarlang a ni a; sorkar thuchhuahin a tarlan tel loh, Council of Minister-in a pawm si a awm nual nia thu dawn a ni.
Ṭum dangah chuan Council of Minister-in agenda an pawmte chu IPR department-in an tichhuak ṭhin a, nimin ṭhutkhawma an thu pawm ṭhenkhat erawh meeting minute a chhuah hma chuan puanzar an phal lo.
COUNCIL OF MINISTER-IN AN PAWMTE
* Proposal for the Mizoram Prisons and Correctional Services Bill, 2024
* Riverine Reserved Forest and Roadside Reserve Forest in the State of Mizoram
* Proposal for implementation of Construction of Downstream Distribution Line for Utilization of Sub-Station Which is Constructed under North Eastern Region Power System Improvement Project (NERPSIP) Scheme under Revamped Distribution Sector Scheme (RDSS)
* Proposal for Amendment of Government of Mizoram (Allocation of Business Rules) 2019 and (Transaction of Business Rules), 2014
* Introduction of the Mizoram Provisional Employee Savings Scheme, 2024
* Proposal for Implementation of Electrification of Balance Unelectrified Villages/Habitation in Mizoram under Revamped Distributions Sector Scheme
* Amendment of Sub-Rule(2) of Rule 95 of the Mizoram Public Procurement Rules, 2020
* A proposal for ‘in principle approval’ for Outsourcing of Jordan Center (De-Addiction & Rehabilitation Center), Seṭhawn
* The draft Mizoram Stamp (Payment of Duty by means of e Stamping) Rules, 2024