YMA golden jubilee lawmna Dy. Govt. Chief Whip in hmanpui

Deputy govt. chief whip W Chhuanawma, Tuichang bialtu MLA chuan June 15, Inrinni khan a bial chhunga YMA, Khawzawl Kawnzar Branch golden jubilee lawmna a hmanpui a; ṭhalaite chu hmasawn pawimawhzia hre thar turin a chah.

W Chhuanawma chuan, "Tui tling reng, luang chhuak lo chu a tenawm thuai ṭhin ang bawkin, nihna ngaia awm reng hi thil ṭha lo a ni. Hmasawn tur chuan hun âwl hman ṭhat leh hman dik a ngai," a ti a; tumruhna leh thawhrimna chu hlawhtlinna bul pawimawh tak pahnih a nih thu a sawi.

Golden jubilee lawmna inkhawm hi Jubilee Organising Committee chairman Vanlalvenhima'n a kaihruai a; YMA hruaitu hluite chawimawina hun hman a ni a, tlaiah jubillee ruai an ṭheh a ni.