Catholic-in Green Mizoram Day an hmang

Roman Catholic kohhrana Ecology & Environ­ment Commission kaih­hruaiin nimin khan Green Mizoram Day hman a ni a, Aizawl Diocese chu 'Green Diocese' atan an puang.

Inkhawm hi Aizawl bishop Most Rev. Stephen Rotluanga'n a hmanpui a, thu a sawi bakah, leilung leh a chhunga awmte hum­halhna lama hma latu pawl aiawhte pawhin thu an sawi. Thing ṭiak eng emaw zat an phun bawk.

Green Diocese an puan tâkin a tum ber chu - Pathian kutchhuak leilung ropuina kohhranah nasa lehzuala inzirtir a ni a; Pathian thil siam tihchhetu ni lo tura inzirtirte a tel bawk.