PC party-in AMC ward tin chuh an tum

Peoples' Conference (PC) party office bearer-te an president Lalhmangaiha Sailo hoa nimina an pisaa ṭhukhawm chuan, Aizawl Municipal Corporation (AMC) inthlan turah, ward tinah candidate nei vek tura hmalak an rel a, manifesto buatsaihtu tur an inruat nghal.

PC party office bearer-te chuan resolution an siam a; "Assam leh Mizoram inter state boundary buaina chinfel nan state pahnih inbiakna dawhkan central sorkar buatsaihtir turin Mizoram sorkar hian nasa takin sorkar laipui nawr se, solution fel tak kan neih ngei theih nan ngawrh taka hma la ngei turin Mizoram sorkar kan phût a ni," an ti.

Tripura state chhunga Mizote chênna hmun, Zampui tlangdung leh a chhehvelah Bru-te inbenbeltir tuma Tripura sorkarin ruahmanna a siam chu sût a nih theih nan Mizoram sorkarin hma la se an duh thu an tarlang bawk.



Share this Post

Login to comment
No Comments