Mexico hmeichhe president hmasa ber tur Sheinbaum

Mexico National Electoral Institute tarlan danin, an ram inthlan neih zawh takah Mexico city mayor hlui Claudia Sheinbaum chu hnehna chang turin a dinhmun a ṭha tawh hle tih an tarlang. Preliminary result aṭanga a lan dan chuan Claudia Sheinbaum hian vote tla aṭanga 58-60% vel a hmu dawn tih tarlan a ni.

Claudia Sheinbaum hi politicis lama mikhual lo tak niin, Mexico Coty Mayor hlui a ni a, tuna president nilai mek hi politics-a Sheinbaum kaihhruaitu a ni bawk. Kum 61 mi Shienbaum hian a khingpui ber Xóchitl Gálvez lakah 30% velin hma a hruai mek a, inlehpelh leh mai a harsat tawh avangin Shienbaum hian hnehna changtua puan theih a ni tawh a ni. Shienbaum chuan a khingpuiten hneh an ni tih an pawm thu sawiin "Mexico-a hmeichhe president hmasa ber ka ni dawn" tiin, amah vote tute zawng zawng chungah lawmthu a sawi a, a hnehna chu ama hnehna bik ni loin an ram, nu, fanu leh tunu zawng zawngte hnehna a ni, a ti.

Mexico Electoral Institute president chuan Shienbaum hian vote tla aṭangin 58-60% vote a hmu a, a khingpui lian ber Galvez chuan 26-28% vote hmuin orge Álvarez Máynez chuan 9-10% vote a hmu tih a tarlang. Shienbaum hian Mexico president ni tur hian politics lama amah chhertu leh Mexico president ni lai mek, Andrés Manuel López Obrador chu October 1 hian a thlak dawn a ni.