100% pass percentage nei Sikulte lawmpuina hlan a ni

Kum 2020-a HSLC leh HSSLC result-a zirlai pass vekna sorkar sikul 21-te lawmpuina hun nimin khan School Education directorate conference hall-ah buatsaih a ni a, School Education minister Lalchhandama Ralte-in a hmanpui.

Education Minister chuan, HSLC leh HSSLC result-a zirlai pass tir vek thei sikulte chu an hlawhtlinna chhawm nung zel tur leh engtin nge hma an sawn zel ang tih ngaihtuah turin a chah a, "Zirtirtu indaih lohna nasa tak karah hripui léng vangin post ruak eng emaw zat hnawhkhah tura hmalak mek a sukuk rih a, chuvangin, thawktu awm ang angte theihtawp chhuaha ṭan lak leh zual a ṭul," a ti.

Lalchhandama Ralte chuan, thawktute hamṭhatna ngaihtuahin hmasawn zel dan tur kawng sorkarin a dap mek tih sawiin, "Mizoram sorkarah Education hi department lian ber an nih angin inrêlbàwlna ṭha zawk nei turin hmalak mek a ni," a ti a; sikul, hmanrua leh bungrua nei ṭha zawk, zirtirtu thiam leh ṭha rualin an enkawl sikulte'n private school an tluk lo fo chu pawi a tih thu a sawi.

School Education secretary Esther Lalruatkimi chuan, zirlai pass tir vek thei sikul ṭha Mizoram hmun hrang hrangah a awm chu lawmawm a tih thu a sawi a, "Sikul ṭha tehfung hrang hrang awm mah se, tun dinhmunah sikul ṭha tehfung kan neih ṭhat ber chu result ṭha hi a ni," a ti.

Lawmpuina hlan sikulte SikulDistrict

JM High SchoolSerchhip

Eklavya Model HSSSerchhip

Rawpuichhip High SchoolMamit

Pukzing RMSA Sec. SchoolMamit

Lalhnuni High School, Tuipui-DLunglei

Rotlang 'E' RMSA SchoolLunglei

Mizo HS, KhawhaiChamphai

Thangkunga Memorial HS, TlangpuiChamphai

Sialhawk High SchoolChamphai

Bungzung High SchoolChamphai

Pawlrang High SchoolChamphai

Khawhri High SchoolHnahthial

Hnahthial High SchoolHnahthial

Southern High SchoolHnahthial

Bethel High School, PangkhuaLawngtlai

Lungzarhṭum RMSA SchoolLawngtlai

Theiri RMSA SchoolSiaha

Hrangchhunga High SchoolAizawl

Muthi High SchoolAizawl

Awithangpa High School, ṬhiakAizawl

Mizo HSSAizawl



Share this Post

Login to comment
No Comments