October 15, Ningania Mizorama Covid-19 vei hmuh chhuah mi 11 zinga mi pariat chu Mizo­ram chhunga kái chhâwng an ni a, taksaah harsatna nei (Covid-19 symptom lang) mi paruk an awm.

Covid-19 positive hmuh thar zinga Mizo­rama kái chhâwng mi parukte chu mipa pathum leh hmeichhia panga an ni a; Covid-19 symptom nei paruk an awm a, pahnih chuan an nei lo. Mi palite chu an kài chhan hriat chian theih a ni lo a, palite erawh chu an kài chhan hriata ngaih a ni.

An zinga mipa nau­pang kum 10 mi, Tuikual North-a cheng chu a chènpui a chhung­te'n hripui an kai vek avanga State Referral Hospital (ZMC)-a dah luh tel ve, enthlak lai a ni.

Zotlang venga hri­pui vei hmuh thar mi pahnihte chu nupa an ni a, symptom an neih avanga inendiktir niin, an kài chhan hriat a ni lo. Nu zawk chu Health department-a thawk doctor, directorate lama awm a nih thu, thu dawnna chuan a sawi.

Share this Post