Aizawlah Horti Fair 2016 nei mek

Horticulture department chuan nimin khan Assembly Annexe building chhâwng hnuaiah May 24–27, 2016 chhunga neih tur Horti Fair 2016 an buatsaih ṭan a, Home minister R Lalzirliana'n a hawng.

Fair hawnna inkhawm hi Aijal Club-ah neih a ni a, Horticulture secretary B Lalhmingthanga'n a kaihruai. R Lalzirliana chuan, Horticulture depart-ment hnuaiah India rama hriat hlawh thei tur khawpin Mizoramin state páwnah anthurium leh rose pangparte a thawn chhuak nia sawiin, "State plan hnuaiah sum nei tam lo mah se, Central scheme hmang ṭangkaiin hma a sawn mek zel a ni," a ti.

Horti Fair 2016 hi a vawi ngana a ni a, a hawnna inkhawmah hian Horticulture deputy director Vanlalruata Chenkual-in 'Horticulture for Business' tih thupui a sawi. Fair-ah hian pangpar leh thei chi hrang hrang pho chhuah a ni a; Fair neih chhungin Horticulture department-in sorkar hnathawk leh kut hnathawktute tan thlai chin dan leh enkawl dan zirna seminar an buatsaih
ṭhin dawn a ni.