Prominent Press Pepresentative hlân

Mizoram sorkar chuan nimin khan IPR directorate auditorium-ah journalist panga - Lalbiakthanga Pachuau (Zoram Tlangau), J Lalthangliana (Mizo Arsi), C Lalkhawliana (High-lander), C Vul-luaia (Harhna) leh S Lalhmachhuana (Tur-nipui, Kolasib)-te hnen-ah Prominent Press Pepresentative nihna a hlan.

Prominent Press Pepresentative hlan inkhawmah hian IPR minister Lal Thanzara chuan chanchinbumite a fuih a, "Politics lama âwn zawng neih hriat lutuka thu ziak leh politics ruihchilhna thinlung pu chunga mite er râna thu ziak ai chuan sorkar a ni emaw, mimal an ni emaw, fak phûte fak a, chawimawi phûte chawimawi hreh loh a pawimawh," a ti.

Inkhawm hi IPR secretary B Lalthanliana'n a kaihruai a; IPR director Jim K Chozah leh MJA president Vanlalrema Vantawl te pawhin thu an sawi a ni.