August-October chhung Aizawlah lei laih khap

Aizawl Municipal Corpo­ration (AMC) chuan, fûr ruahtui tam lai a nih avangin kumin August - October chhung AMC huam chhung­ah lei laih leh leivûng hmanga ruam/kawr chhûn khah a khap.

AMC chuan, fûrpui laia lei laih avangin chhiatna, thihna hial thlen phahna a thleng thei tih tarlangin, mipui him tlànna lei laih leh leivûng hmanga kawr/ruam hnawh phal lohna thupek chhuah a nih thu a tarlang a, thupek zâwm ṭheuh turin mipui a ngen.

Thupek zâwm lote chu Mizoram Municipalities Act, 2007, AMC (Site Development & Slope Modification) Regulations, 2017 Section 153 & 157-A leh AMC SWM Bye-Laws, 2019 hmanga hrem theih a ni.