Geriatric Caregivers Training khâr

Social Welfare & Tribal Affairs department leh RIPANS-in Atal Vayo Abhyuday Yojana (AVYAY) hnuaia RIPANS-a Geriatric Caregivers Training an buatsaih chu nimin tlai khan khâr a ni a, SWTA secretary Dr Lalhriatzuali'n hmanpuiin, certificate a sem.

Geriatric Caregivers Training hi thla thum chhung buatsaih a ni a, SWTA chu nodal department niin, RIPANS chu training centre a ni. Training-a telte chu thla hnih chhung theory class neihpui an ni a, thla khat chhung damdawi-in hrang hrangah job training neihpuiin, an duty leh bawk.

Dr Lalhriatzuali chuan, zirlaite chu an thiamnate chhungkua, khawtlang leh ram tana hmang turin a chah a; sum dah lal ber lo tur te, an thiamnate mahni tan maia hmang lo a, Pathian rawngbawlna anga ngai chunga thawk ṭhin turin a fuih bawk.