Aizawl District Jail-ah Health Camp

TB Elimination Accelerator Project hnuaiah nimin khan Aizawl District Jail-ah Health Camp buatsaih a ni a, vawiinah chhunzawm a ni ang.

Aizawl District Jail-a Health Camp hi TB Elimination Accelerator Project hnuaia Mizorama hmalakna hmasa ber a ni a; nimin khan District Jail-a thawkte leh táng mek mi 76-te hriselna dinhmun enfiah niin, vawiinah enfiah chhunzawm leh tur a ni.

TB Elimination Accelerator Project-in a tum ber chu - Mizorama ngawr (TB) vei la hriat chhuah lohte a tam thei ang ber hmuh chhuah vat a, damdawi leh enkawlna ṭha pek thuai a ni a; project hnuaiah hian khawl thar leh thiamna sang zawk hmangin khaw hrang hrangah health camp buatsaih tura hmalak ṭan a ni.

Mizoramah TB vei kum tin mi 2,000 chuang hmuh chhuah ziah ang a ni a, nikum chhung khan TB vangin mi 108 an thi. Kuminah January leh March chhungin TB vei mi 595 hmuh chhuah a ni bawk.

World Health Organisation chuan kum 2030-ah khawvel pumah TB tihrêm tumin beihpui a thlâk mek a; India ramah chuan kum 2025-ah tihrêm tum a ni.