Kolasib district-a bank-te hnathawh thlir let

Kolasib District Consultative Committee, District Level Review Committee leh District Level Security Committee chuan nimin khan an chairman John LT Sanga, bawrhsap hoin an ṭhukhawm a, March 2024 thlenga Kolasib district-a bank-te dinhmun an thlir lêt.

Ṭhutkhawma tarlan danin, March 2024 thleng khan sorkar laipui hnuaia hamṭhatna - Pradhan Mantri Jan-Dhan Yojana (PMJDY) hnuaiah mi 22,702 an inziak lut a, Pradhan Mantri Jeevan Jyoti Bima Yojana (PMJJBY) hnuaiah mi 8,840, Pradhan Mantri Suraksha Bima Yojana (PMSBY) hnuaiah mi 16,111 leh APY hnuaiah mi 1,037-an awm mek.

Annual Credit Plan-in kut hnathawktute tihhmasawnna tura hmachhawp a siamah 96.81% tihfel tawh a ni a, crop loan pek chhuah tur erawh bituk zat aṭangin 49.79% chiah pek a ni.

Kum 2023-24 chhungin Prime Minister's Employment Generation Programme (PMEGP), National Rural Livelihood Mission leh National Urban Livelihood Mission hnuaiah loan 160 pek chhuah a ni bawk.

Ṭhutkhawmah hian John LT Sanga chuan Kolasib district-a bank hrang hrangin sum an pek chhuahna tura inkaihhruaina Annual Credit Plan for Financial Year 2024-25 a tlangzarh a ni.