National Dengue Day 2024 hman a ni; Kum 2024-ah dengue vei mi 132 hmu tawh

Nimin May 16 kha National Dengue Day a ni a, National Vector Borne Disease Control Programme (NVBDCP), Mizoram huaihawtin nimin khan ATI Auditorium-ah hman a ni. Mizoramah dengue vangin mi pasarih an thi tawh a, kumin 2024-ah dengue vei mi 132 hmuh chhuah a nih tawh thu an tarlang.

Day hmannaa tarlan danin, kuminah April 30 thlengin Mizoramah mi 2,347 endik tawh aṭangin dengue vei mi 132 hmuh chhuah a ni tawh a, thihpui an la awm lo.

Kum 2019-ah dengue hmuh ṭan a ni a; kum 2019 aṭanga kumin April 30 thlengin mi 22,444 endik tawhah dengue vei mi 4,341 hmuh chhuah a ni tawh a, dengue vei zinga mi pasarih an thi a ni. Dengue vei hmuh chhuah tam ber kum, 2023 khan mi 12,949 endik aṭangin mi 2,060 hmuh chhuah a ni a, mi pahnih an thi. Kum 2022 khan mi 5,252 endik aṭangin dengue vei mi 1,868 hmuh chhuah a ni a, mi pangain an thihpui a ni.

(Phek 2-ah zawm a ni)