August 2016-ah HSLC Special Examination

Mizoram Board of School Education (MBSE) chuan, August 2016 khian High School Leaving Certicate (HSLC) Special Examination, 2016 an buatsaih dawn.

Thu dawn danin, HSLC Special Examination hi kum 2011 aṭanga 2016 inkara HSLC exam-a la pass lote leh exam form fill-up, admit card pawh la chhuaktawh, chhan eng emaw vanga exam hmachhawn thei ta lote tana buatsaih tur a ni a; a hmaa practical exam lo pass tawhte chuan practical exam nawn tawh loin, an pass tawhna an ring thei ang.

MBSE hotute chuan tuna Special Examination hi kum 2011 leh 2016 inkara HSLC exam fail-te tana exam buatsaih hnuhnung ber tur a nih thu an sawi.

He exam turah hian compartmental chance siam a ni dawn lo a, HSLC Examination 2016-a compartmental chance nei, June 2016-a exam tur zinga hlawhtling lote pawhin an hmachhawn thei dawn a ni.

HSLC Special Examination hi district tina exam centre thlan chhuah pakuaah buatsaih a ni dawn a; June 6, 2016 thleng exam form leh pawisa chawi ngai awmte tihfel tur a ni.