Mi 6,997-in VC seat 2,464 an chuh dawn

August 27, 2020-a village council (VC) inthlan turah Mizoramah VC 558-a seat 2,464 chuh turin mi 6,997-in hming an pe lut. VC seat 2,464 zinga 1,831 chu general seat a ni a, seat 303 chu hmeichhe tana hauh a ni.

Political party zingah MNF-in candidate nei tam berin, MNF ticket-in mi 2,419-in hming an pe lut a; a dawttu Congress party-in candidate 2,102 an nei. Zoram Peoples' Movement (ZPM)-in candidate 1,220, HPC-in panga, MPC-in pathum leh National Peoples' Party (NPP)-in pahnih an nei a; independent candidate 943 an awm bawk.

Tarlan tawh angin, local council 83-a seat 545 chu mi 1,569-in an chuh dawn a; seat 545 aṭangin tun ṭum LC inthlanah hian seat 148 chu hmeichhe tana hauh a ni. VC inthlan turah voter 4,54,180 leh LC-ah 2,18,758 an awm.

Siaha leh Lawngtlai district tih loh Mizorama district pakuaa VC 558 leh LC 83 (belhkhawmin 641)-ah seat 3,009 a awm a, chu'ng zinga seat 451 chu hmeichhe tana hauh a ni. Inthlana chuh tura hming pe mi 6,997 an awm a; candidate awm dan chu - BJP 303, Congress party 2,102, NPP 2, MNF 2,419, MPC 3, HPC 5, ZPM 1,220 leh independent 943 an ni.



Share this Post

Login to comment
No Comments