US chiah hi Israel-in Rafah beih a tumna dang theitu a ni : Palestinian President

Palestinian Authority president, Mahmoud Abbas chuan Israel-in Rafah beih a tumna chu United States chauhin an dang thei niin a sawi. Israel chuan Rafah chu ni rei lote hnuah an beih mai a rin thu a sawi bawk.

Abbas chuan World Economic Forum, special meeting neihah thu sawiin, USA chu Rafah beih tumna dang turin a ngen a, America chauh chu he thil tithei a nih thu a sawi bawk. Palestine President chuan Rafah beih a nih leh chuan a chhunga chengte chuan Gaza bak pan tur an neih loh avangin an pan ang a, chutah chuan ei tur tlakchham avang leh ni tin mamawh a tam tawk loh avangin Palestinian mipuite chanchina chhiatna nasa ber a thleng dawn a ni, a ti.

Abbas chuan Jordan leh Egypt lama Palestinian raltlan eng emaw zat an thawn chu a inchhir tawh tih sawiin, Israel-in Gaza a beih zawhah West Bank-a Palestinian awmte chu Jordan lama a sawn chhuah mai a hlauh thu a sawi bawk. UN official leh human rights group chuan Rafah beih hian chhiatna nasa zawk a thlen dawn niin an tarlang a, Israel chu a thil tum ṭhulh tura an duh thu an sawi lang fo a ni.