LUI THIAN FAI

Kolasib-a C Zakhuma Higher Secondary School-a Eco-Club member-te leh UDPA department ṭang dun chuan nimin khan 'Project Waste - Free Kolasib' tih thupui hmangin Kolasib tui lakna Tuichhuahen lui châwmtu lui Tuilut lui tifaiin an hnatlang.

Hnatlanga thawk chhuakte chu Kolasib bawrhsap John LT Sanga'n a vailiam a ni. Govt. CZ HSS hian nikum khan Tuichhuahen fintu lui hnar thenfai hna hi an lo thawk tawh a, bawlhhlawh ip 100 zet an paih. Kuminah a aia nasa zawka hmalak tumin Eco Club-te'n ruahmanna an siam a, bawlhhlawh ip 200 tal thenfai an tum.