March 2025-ah Sairangah rél lian thlentir tum a ni

Mizoram Truck Owners Association (MTOA) hruaitute chuan nimin khan Guwahati-ah Northeast Frontier Railways General Manager leh officer dangte an kâwm a; Railways hotute chuan, March 2025-ah Sairangah rel lian luhtir hman an tum thu an lo hrilh.

NEF Railways hotute chuan, March 2025-ah Sairangah rél lian luhtir hman an tum thu sawiin, "Bungrua zawng zawng rélin a rawn phurh tawh dawn avangin truck tan hna ṭau a ṭet dawn a ni," an ti.

MTOA hruaitute chuan, Bairabi rél chawlhhmuna rél thlen dan mumal lo chungchang te, Bairabi chawlhhmuna awm tur awm lo chungchang te, tui thianghlim in tur awm ṭha lo, inthiarna leh êng awm ṭha lo chungchangte an thlen.

Bairabi rel chawlh­hmuna awm tur awm ṭha lote chu chinfel an tum thu Railways hotute chuan an sawi a; rél chawlhhmuna awm tur tam tak a awm loh avangin, thil a nih tur ang a nih hma chu a huna rél an tihruah hman loh avanga demurrage chawi ṭhin pawh 75%-a tihhniam an remtih thu an lo hrilh bawk nia thu dawn a ni.