Lok Sabha MP C Lalrosanga chuan nimin khan model village tura a thlan khaw panga zinga mi Muthi khua a tlawh a, village council leh tlawmngai pawlte nen Muthi khuaa sorkar laipui leh state sawrkar scheme hrang hrang hmanga hmasawnna hnathawh dan turte an sawiho.

C Lalrosanga chuan, Covid-19 avangin kum hnih chhung atan MP fund hren a nih tak avang­in, MP fund aṭanga hnathawh tur ruahman a harsat rih thu a sawi a, "Chutih rual erawh chuan sorkar laipui scheme hrang hrang leh state sorkar hnuaia scheme-te ṭangkai taka hmang thei tura ruahmanna mumal tak siam a ṭul. Chief Minister bial an nih avanga an vanneihnate chhawr thiam a pawimawh. CM kaihhruaina hnuaiah, Muthi khua hian hmasawnna ṭha tak a neih ngei ka beisei," a ti.

Lok Sabha MP ṭawi­awmtu KVK hotu Dr Chaudhury chuan Muthi khua chu agriculture, ran vulh leh horticulture lam tihhmasawn tura enkawl bik atan an thlan leh an enkawllai a nih thu a sawi, "Muthi khua miṭhahnem tak Dragon Fruit ching tur leh ar vulh tura thlan an ni tawh a, chak taka hma lak mek a ni," a ti a, MP hoin hmalakna chak zawk leh ṭha zawk an neih theih ngei a beisei thu a sawi.

Share this Post