Chinese club an che chhia

January transfer-a sum inseng hnem tak Chinese Super League club-ten beisei an phak lo a, Guangzhou Evergrande leh Jiangsu Suning-te chu Asian Champions League-ah group stage aṭangin an tla nghal.

Luiz Felipe Scolari-a enkawl Guangzhou hian nikum khan pound maktaduai 10-in Tottenham midfielder hlui Paulinho an la lut a, January khan Atletico Madrid aṭangin Jackson Martinez chu pound maktaduai 31-in an la lut bawk.

Jiangsu Suning hian January khan Liverpool rim lai Alex Teixeira chu pound maktaduai 38.4-in an chhuhsak a, pound maktaduai 25 man Ramires leh Manchester City striker hlui Jo an la kawl cheu.

Asian Champions League khelh mekah Chinese club zingah Sven-Goran Eriksson-a enkawl leh Asamoah Gyan khelhna Shanghai SIPG leh playoff a Mohun Bagan ngam loh Shandong Luneng-te chuan last 16 an lut tawh thung.

Chinese Super Lea-gue-ah erawh Guangzhou-in hma hruai chhunzawm zelin an hnuai chiahah Jiangsu an awm.