Lehkhabu ṭha ber 'Pangparhnima'

Mizo Academy of Letters (MAL) chuan kum 2023 chhunga Mizo ṭawnga chhuak lehkhabu zinga a ṭha ber, Book of the Year 2023 atan 'Pangparhnima' tih an thlang a, a ziaktu chu Ahmangaihi Khiangte a ni.

MAL hian Book of the Year thlang tur hian a ṭha zual 20 an thlang chhuak phawt a, chuta ṭang chuan 10 thlang lehin, an sáwr zím zel a; a ṭha zual pathum - 'Hniak Hlu' (Zaii Khiangte), 'Pangparhnima' (Ahmangaihi Khiangte) leh 'Raltiang Rimawi' (Lalhruaitluanga Chawngte) aṭangin 'Pangparhnima' tih chu Book of the Year 2023 atan an thlang ta a ni.

Book of the Year 2023 lawmman hi April 23, 2024 khian MAL din champha lawm pahin hlan a ni ang.