March 2016-ah ran 26,499 talh a ni

AH&Vety depart-ment-a district pali - Lunglei, Serchhip, Lawngtlai leh Saiha district-ahte March 2016 chhung khan ran 2,64,99 talh a ni a; chutih laiin, mimal ran vulh chhinchhiah zat chu 2,88,568 a ni.

Lunglei district chhung-ah a sa ei atana ran talh chhinchhiah zat chu 12,596 a ni a; OPD-a ran chi hrang hrang enkawl 14,170, mobile case-a ran enkawl 808, hri danna pek zat 1,649, ran zai 322 a awm. Ran kah râi bawngpui 11 leh vawkpui 13 aṭangin bawng notê 22 leh vawk notê 135 a piang a; mimal ran vulh 1,24,652 a awma ngaih a ni. Sorkar revenue-ah Rs. 30,890 an chhûng lut.

Serchhip district-ah a sa ei atana ran talh chhinchhiah zat chu 6,517 a ni. OPD-a ran enkawl zat 8,980, mobile case-a ran enkawl 119, hri danna pek 61, ran zai 98 a awm a; bawngpui paruk leh vawkpui pali kah rai aṭangin bawng notê 24 leh vawk notê 132 a piang a, sorkar revenue-ah Rs. 13,680 an chhûng lût. Mimal ran vulh 75,939 a awma ngaih a ni.

Saiha district-ah a sa ei atan ran talh chhinchhiah zat chu 4,021 a ni. OPD-a ran enkawl zat 6,440, mobile case-a ran enkawl zat 74, hri danna pek 638, ran zai 35 a awm a; mimal ran vulh 24,705 a awma ngaih niin, sorkar revenue-ah Rs. 23,240 an chhûng lut.

Lawngtlai district-ah a sa ei turin ran 3,365 talh anga chhinchhiah a ni. OPD-a ran enkawl 5,180, mobole case-a enkawl 78, ran zai zat 181, hri danna pek 180 a awm a; bawngpui pahnih kah rai niin, sorkar revenue-ah Rs. 10,180 an chhung lut a ni.