Vawiinah Assembly session

Vawiin hian Mizoram Assembly session neih a ni dawn a, vawiinah vek zawh nghal a ni ang. Session-a hun hman dan tur chu Provisional Sitting Calendar, Bussiness Advisory Committee-in an duang.

Session hi chawhma dar 10:30-ah ṭan a ni ang a, tih tur hmasa ber chu Union minister hlui Dr C Silvera sùnna hun hman a ni. Chumi zawhah Select Committee-in an ennawn tawh The Mizoram (Land Acquisition, Rehabilitation and Resettlement) Bill, 2016 pharha pass tum a ni. Bill pass a nih chuan session chu tiam chin awm loa tihtawp zui a ni ang.