MJA leh IPR inkawm

Kum 2016-18 chhunga MJA hruaitu atana thlan thar leh Information & Public Relations (IPR) department hotute chu, nimin khan IPR confe-rence hall-ah an inkâwm a, thil pawimawh hrang hrang an sawiho.

IPR director Jim K Chozah chuan, MJA hruaitu tharte lawmpuina hlanin, lungrual taka thawhhopuiah a sâwm. MJA vice president Zonunsanga Khiangte pawhin IPR Department nena thawhhona ṭha tak an nei ṭhin chu chhawm nun zel ṭul a tih thu a sawi.

MJA hruaitute leh IPR hotute hian sorkar hmalakna a zau thei ang bera puanzar a nih theihna atan department hrang hrang project thawh mek a hmuna tlawh ṭhin an ngaih pawimawh thu te, journalist-te tana seminar/workshop buatsaih ṭha an tih thute leh journalist-te hmasawnna tur thil pawimawh nia an ngaihte an sawiho a ni.