Sorkarin rualbanlote tan theihtawp a chhuah - Health Minister

Nimin khan Govt, Complex khelmualah mitdelte pualin infiam-na buatsaih a ni a; khuallian, Health minister Lal Thanzara chuan rualbanlote chanvo humhalh turin Mizoram sorkarin theihtawp a chhuah mek thu a sawi.

Mizoram Blind Society leh National Institute for Empowerment of Persons With Multiple Disabilities (NIEPMD), Chennai ṭangkawpin Mizoram Blind Sports an buatsaih a hawnnaah thu sawiin, Lal Thanzara chuan, "Khawvel ram changkang apiangin rualbanlote an ngaihsakin an chanvo humhalhna atan hma an la nasa ṭhin. Mizoram sorkar pawhin hemi kawngah hian theihtawp a chhuah mek a ni," a ti.

Health Minister hian a ṭul leh mamawha an hman atan Mizoram Blind Society hnenah Rs. 50,000 a hlan a ni.

Mizoram Blind Sports hian ni thum a awh dawn a; Govt. Complex Games & Sports Association kaihhruaina hnuaiah football, cricket, in-hruipawh, kut inelh, lungden, thleng thlawh leh inzuan thui siakahte an inel dawn a ni.