DEO-in polling station a endik

Serchhip district election officer David Lalthantluanga, district bawrhsap chuan nimin khan Vanchengte, Sialhau, Théntlang, Rúllàm, Lungpho leh Ngentiang a tlawh a; polling station-te Lok Sabha inthlanpui awm turah hman tlak a nih leh nih loh a enfiah bakah, booth level officer-te a kawm.

Serchhip DEO ho hian Election Commission of India (ECI)-in PS tina awm ngei tura a bitukte - a panna kawng mumal, kawlphetha leh tui thianghlim hnianghnar, mipa leh hmeichhe inthiarna (toilet), ramp, furniture mamawh, mobile connectivity leh telephone (landline)-te a awm ngei em tihte leh venhimna chungchanga ruahmannate enfiah a ni.

David Lalthantluanga chuan, Lok Sabha inthlanpui hmachhawn tura inpuahchahnaah upa te, rualbanlo wheelchair hman ngaite tana awlsamna siamsak ngaih pawimawh a ṭul thu a sawi a; mipui mimir tan pawh vote thlak tura rei tak intlar ngai lo tur leh hahdam zawka vote an thlak theih nan ruahmanna siam turin BLO-te a chah.

Serchhip DEO hian vawiinah Thinglian, Hmunzawl leh Keiṭum khuaa polling staton-te enfiah leh a tum a ni.