Maths & Science Olympiad result puang

Champhai District Education Committee chairman James Lalrinchhana, bawrhsap hoin nimin khan Education Training Hall-ah Champhai district Samagra Shiksha buatsaih pawl 6-9 inelna, Champhai District Maths & Science Olympiad 2023-24 result puan a ni.

James Lalrinchhana chuan, naupangte'n nuam ti taka zirlai an zir theih nan zirtirtute chu boruak nuam siam tum turin a chah a, "Zirna kawnga hmasawn turin zirtirtu, zirlai leh chhungkua ṭanho a ngai a, quantity ai mahin quality ngaih pawimawh a ṭul," a ti. Mathematics leh science subject-te huphurh mai lo a, a bulthûm aṭanga hriat fiah tum zawk turin zirlaite a fuih bawk.

Inelnaah hian pakhat-nain Rs 5,000, pahnihnain Rs 3,000, pathumnain Rs 2,000 an dawng a, pawl tin aṭangin mi panga zelin consolation prize Rs 1,000 ṭheuh an dawng.