MPSC Combined Competitive Exam-ah thil dik lo a awm niin MZP-in an ngai

MZP chuan thuchhuah siamin, Mizoram Public Service Commission (MPSC)-in February 1, 2024-a result a tihchhuah tâk MCS (Combined Competitive) Examinations kalpui danah thil fel tâwk lo leh chhui chian ngai a awm ngeia an hriat thu an tarlang.

MZP chuan, Mizo­rama hna sang leh zahawm tak takte thawk­tu lak hna MPSC-in rintlak taka a lo kalpui tawh ṭhin chu lawmawm an tih thu sawiin, "Ṭhalai hna zawng mekte pawhin an ring tâwk hle ṭhin. Chutih laiin, Combined Competitive Exami­nations hnuhnung berah thil dik tâwk loa hmalakna awm ngeiin kan hria. Ngunthlûk zawka zir chian a, MPSC hi ṭhalai hna zawng mekte'n an rin ngam zel theih nan a tàwp thlengin hma kan la zel dawn," an ti.

Mizorama hna sang leh zahawm tak tak latu MPSC chhûngah thil dik lo nia lang hriat tur a awm chu pawi an tih thu an tarlang bawk.