Natural farming ṭhatna inzirtir

Krishi Vigyan Kendra (KVK), Kolasib chuan nimin khan Mega Workshop on Natural Farming Programme an buatsaih a, district bawrhsap John LT Sanga'n hmanpuiin, KVK Kolasib buatsaih natural farming chanchin ziahna leaflet a tlangzarh.

Zirhona hi KVK Kolasib head Dr Michelle C Lallawmkimi'n a kaihruai a; loneitute'n chemical an hman uar chuan nghawng ṭha lo tak tak a awm theih dan sawiin, a theih ang anga natural farming lama kal nasat a ṭul thu a sawi.

Workshop-ah hian sorkar department aiawhte leh Kolasib district-a khaw hrang hranga loneitute an tel a; natural farming chungchang zirtir an nih bakah, loneitute hnenah an mamawh tur thlai chi leh chemical tel lo damdawite bakah, knapsack sprayer-te sem a ni.

Financial literacy cam­paign buatsaih nghal a ni a, NABARD District De­ve­­­lopment Manager leh bank hotute'n loneitute tana bank kal­tlanga ham­­­­­­ṭhatna awmte an sawifiah.

Loneitute'n harsatna an tawhte inzawhna leh inhrilhfiahna hun hman a ni a, Plant and Animal Health Clinic buat­saih nghal a ni bawk.